看完上述標題，筆者保證各大娛樂版都唔會報導，皆因此克勤不是彼克勤也。這位克勤是現任德國總統（Prof. Dr. Horst Köhler），論他在港人認知的知名度，應該比一眾副局長及政治助理更底，事關德國政府乃以總理為首，總統相對十分低調做個國家花瓶而已。
不過花瓶歸花瓶，在西方民主體系之內，人家都是全民普選出來，點都係民意的象徵。福士Volkswagen 趁著克勤總統到訪印度，邀請克勤前往當地廠房主持1975以來第11,111,111部 Polo 出世儀式。連總統都咁俾面，一來大家係同胞，二來或多或少反映德國及車廠在印度投資的誠意。放眼世界除了中國，印度絕對是另一經濟發展新星，絕無可能唔俾幾分面，對不對？
盧某提議福士廠既然搞得一次就唔好俾佢停，到下次第12,222,222，13,333,333……部Polo就安排一下總統到外國廠房訪問，既可以促進兩國關係之餘仲好有「飛士」，至威都係你！其實很多中國人都偏愛「8」字，不如將來等第18,888,888部Polo出世時，邀請德國總統辦一次中國之旅，到時可能吸引到國家領導人都到場支持，咁就真係威上加威！
盧蘇
