Toyota 宣佈全新的 Prius PHV 在一個月內便已經接獲 12,500 輛訂單，比原定 2,500 輛的目標高出 5 倍！這個放在汽油車當然十分普通，但以混能黎講就十分出色！其實新款 Prius PHV 大賣的原因很簡單，新車換上全新大容量鋰電池，純電行駛距離由 26.4 公里提升至 68.2 公里，而且純電行駛時速可以去到 135km/h，單單用電已經完全足夠日常所需，環保得黎仲可以油費慳一大截！另一賣點就是樣靚！與舊款外貌相差太遠，完全改頭換面，全新頭燈和尾燈夠晒殺食，泵把造型取向年輕人市場變得激進，全新 Prius PHV 不再是薯嘜！另外，太陽能電池車頂、PHV 版獨有的大型中控台液晶螢幕和雙窗尾門已經成功搶起話題！所以今代 Prius PHV 賣得好是驚喜亦是意料之中。新款 Prius PHV 日本售價為 326 萬日圓，頂級版為 426 萬日圓。
文：Issac.C
