近來香港人係唔係真係好燥，反完呢樣反果樣。又反蝗蟲、又反自駕遊，逢中必反咁滯，除左中銀紀念鈔例外，因為有得炒先有得賺快錢嘛。睇到今次主題，盧蘇唔係想話自駕北上有幾危險，而係想同班反自駕遊既人士講，要禁人先要禁自己，堅拒踏出港人自駕北上第一步。
盧蘇暫不討論港深融合意義，實在太大太重。只不過，盧某認為自駕遊呢劑都唔一定無彎轉，試想下如果分兩階段既自駕遊係個「局」，係先放港人入去，等你地上去爽完就封住你地把口，話以公平原則放內地人來港自駕。如果道理上講得通，只要我地全港既司機巴打眾志成城，一於男人大丈夫企硬，完全無人申請自駕北上，咁第一階段就會自然流產，就唔會有第二階段啦！只不過到底司機巴打們又可唔可以真係企得咁硬呢？
盧蘇
Car1.hk《車事短評》專欄作者
（以上純屬作者個人言論及創作，並無科學根據，亦不代表本公司立場。）
