尋日（8 月 31 日星期二）同一班朋友在香港島聚舊，話題自然離不開「熱到噴火、焗到出煙」的天氣！事實上筆者在觀塘轉隧巴時，只是等了 1 分鐘就車可上，但是路邊的廢氣加上天氣悶熱、一滴風都冇的情況下，1 分鐘是要逐秒捱過去……
當時隧巴已離開東隧直上東廊，雙眼望望維港兩岸的景物（附送因為冇風而沉積的煙霞……），即時想起一位多年前的朋友曾經講過「香港空氣差，真係唔好一味賴車多……冇錯，部分舊車的確因為欠缺保養或者技術未夠先進，所以廢氣排放表現好差。但係全世界唔少大城市都好多車，又唔見人地的空氣，俾人話係營商投資障礙？講到尾，咪又係樓起得太高、唔通風。」
筆者亦聯想到曾經有人提議效法新加坡，實施單雙號車牌行車管制。又記得歐盟 5 期廢氣排放標準、電動車準備全面在港推出。更記得 2 年前到東京公幹，驚覺銀座一帶人多車多，唯獨是屏風樓絕對唔多……
或者要解決空氣質素一日差過一日的問題，最佳方法始終是多管齊下，而非單靠減排。大家可以睇睇本文配相，正是筆者 2 年前東京之旅所拍攝的。天不是藍（因為逆光拍攝再加上近黃昏時份），但最起碼很容易看得到天空是藍還是灰。
文：SVD
