最近成品油又再開始加價，是否因為大家都經歷過兩年前油價狂飆？別說筆者，就連網民對近來汽油加價的反應，都無以前咁「起哄」。盧蘇早排過年既時候，同某位油公司高層大哥拜年，大哥就同盧蘇講出了一個現象，就是去年尾油品大劈價期間，其實整體銷售量並沒有特別幫助，反而是影響了油公司的收入罷了。如此看來，減價對油公司來說只是吃力不討好，那麼普羅用家想再出現去年尾油公司鬥劈價的「盛況」恐怕都唔容易。
盧某所見，國際油價漸見回穩，背靠住經濟復甦概念，如無事故的話，想油價大跌都幾難，大家執生啦！不過，有無諗過所謂主動式慳油呢？好簡單，例如渣開大Benz就轉行渣Polo，咁就等於減左自己既油費啦！雖然兩部係完全唔同既車，但為環保同自己既荷包做些事情又何樂而不為。唔係盧某亂講，就連剛才提過既油公司大哥都話好！咦？咁算唔算係倒自己米呢？
盧蘇
