通常，概念車好多時都天馬行空，好多只有得個「睇」字，但實情心底裡仍然會有一絲絲希望未來能夠實現變成真車。不過，這種盼望放落日前 Nissan 最新發表的 GT-R (X) 2050 Concept 就完全用唔著，因為一眼望埋去「X」型外觀造型已經誇張到嘩嘩聲，然後再睇睇車廂，原來駕駛姿勢要好似啡鈴電單車般，整個人趴係度駕駛，連對腳都要伸直，仲要透過一套特別的服裝及 VR 頭盔才可以控制車輪轉向。呢種操控方法令我想起以前睇「機動武鬥傳 G」駕駛高達一樣…..。話說，誇張到完全睇唔到有實現可能的GT-R (X) 2050，是由 Jaebum Choi 在加州 Art Center 讀書時設計，結果成功透過這個作品獲得前往 Nissan Design 的機會，並在今年年初初完成實習。
文：Issac.C
