盧蘇較早時放了一個大假，回來時已經是拆禮物的時候，就此祝大家新年進步吧！由於回來時剛巧亞洲遊戲展2010正在舉行，得到編輯的邀請便前往參觀一下。莫怪盧蘇大鄉里 out out 地，原來家陣既電子遊戲真係非常之勁！不單全高清及3D立體效果，就連模擬我們駕駛者常常說的「駕駛感覺」「Feel」都是十分不俗！盧某眼見的賽車遊戲攤位，排隊既點只係後生仔，就連一班成年人都等著試玩，實行個個都變哂「大細路」！
查實只要幾千蚊，這樣像真的遊戲套裝就可以買回家慢慢玩，真係交一年牌費都唔夠！唔知有幾多只為玩票的 Casual Drivers 會因為有這些遊戲而索性放棄真車，減少汽車市場的部分消費者呢？不過，反之亦可以想像成，有愈來愈多人因為這些汽車模擬遊戲，引起了對駕駛真實汽車的興趣。盧蘇相信，社會上有更多年輕人對汽車有興趣的話，長遠對汽車市場發展一定有利，因為年輕人就是市場的未來！來到最後，盧某當然都抵不住誘惑，即場買了一套遊戲機回家湊熱鬧吧！
盧蘇
