長久以來汽車都不是保值的玩意，道理很簡單，車會轉款車會舊，消耗維修樣樣齊。隨著美元繼續貶值，對應的日圓及歐元升值，令新車一次又一次加價，連車行行家都不禁咋舌地說︰「有無搞錯，呢部車絕對唔值呢個價，咁貴真係難賣左，自己牌子都係咁話……」
盧蘇最近有朋友買新車，一部入門級五門車日系車十五萬買，已有環保減稅優惠。朋友扭盡六壬講價，都係咁上下價，仲話︰「依家唔買，下一水貴左就笨。」聽起來都有道理的，事關匯率的確很大程度影響了車價。要怪呢，還可以怪為什麼遲十年才出世吧，十年前一部入門級日系房車，十萬銀都唔駛；就比較早一年前，連當時買下的二手車都有升值的趨勢。
近來連汽車廣告都不約而同以加價在即有買趁手為口號，看來來年汽車加風勢不可擋，打算買車的朋友要認真諗諗佢。
盧蘇
