一年一度既香港高級視聽展又到勒，呢個一年一度既影音界盛事，係 8 月 5 日- 7 日一連三日，就會係灣仔會議展覽中心舉行，以往都會有好多不同的參展商會各出奇謀，希望可以係呢個一年一度既業界盛事上，令所有入場的觀眾都可以留下深刻既印象，所以好多最新最高科技既產品，都會係呢個展覽上出現，而今年筆者就相信最多人談論及有興趣既話題，都應該仲係 3D 同 CAS 莫屬了，3D 其實都已經講了好幾年，為何今年仲新鮮呢？因為 3D 技術係近幾年，都有不同的技術不停的演變著，主動快門式，被動偏光式，都在 2011 年鬥得難分難解，而在 2011 年，日本那邊更加說著祼脈 3D 技術，百花一齊放，好不歡喜呢。
而 CAS 方面，因為新一代的年輕玩家，大多會有 iPhone 手機，Android 手機在身，久而久之，對音樂數碼化帶來既方便，已經同生活不可分割，而 HiFi 市場上亦都深明此道，所以好多國際知名音響品牌，都已經加入 CAS 戰團，希望在這個新興時代，盡快可以佔一席位，如果大家有留意外國既所有影音展，CAS 已經佔場中大多數，咁既情況下，我們愛新的香港人，會唔行嗎？
站在一個入門影音網站的角度，我們希望可以將今年的影音展的第一手消息，以最快，最齊，最有心的方式跟大家報導，而我們今年亦都同往年一樣，第一日將會全站工作人員都全部出動，務求將場館內外的第一手最新資料，即時上載到我地網站同大家分享，希望可以做到＂未入場既朋友，可以了解自己既目標範圍，而冇時間入場既朋友，可以睇完我地既全面報導之後，就等於親身去左現場睇完一樣。＂你呢個目標同大前題之下，我地好希望對香港一眾影音新手，發燒友，傷風友，感冒友都可以有一個開心又精彩的 2011 香港高級視聽展！
