一年一度，東南亞區內最大型遊戲展覽「亞洲遊戲展2010」即將於今年12月24日至27日聖誕節期間於灣仔會展舉行；去年大會找來天后級代言人容祖兒以一身火紅搶眼造型亮相宣傳，今年更耳目一新，邀請久別香港娛圈的潮人機迷陳冠希(Edison)擔任「亞洲遊戲展」大使，是次大使活動是Edison今年於香港的首個代言工作，注目度十足。Edison日前為「亞洲遊戲展2010」拍攝平面廣告及主題曲「Man in the mirror」，歌曲透露Edison心路歷程，將收錄於最新國語唱片，為Edison年尾一連串宣傳活動掀開序幕。
繼早前出席上海世博東亞音樂會後，Edison於 11月20日凌晨正式開啟新浪微博，至今吸引約25萬名粉絲追隨。當大家以為Edison將集中火力發展內地市場，是日「亞洲遊戲展2010」正式宣布Edison將擔任香港區代言人！是次廣告及MV製作沿用Edison最愛班底，由楊龍澄(Vernie Yeung)擔任導演。MV內Edison於超級跑車林寶堅尼LP5502陪襯下型爆出場，宣傳今年遊戲機PS3的最新賽車勁作「GT5」，鏡頭內Edison玩得非常肉緊，為宣傳遊戲落足力。對於首次擔任「亞洲遊戲展」代言人，Edison說：「我一向好鍾意打機，平日無事做就會留喺屋企，所以喺屋企打機係我主要娛樂，04年同05年我都去過遊戲展做特別嘉賓，今次係第一次擔任「亞洲遊戲展」代言人，真係好開心。拍攝MV當日最難忘係匿喺的士車廂裡面再跳出嚟嗰幕，仲有就係導演運用兩個不同情境階段，代表兩種極端嘅情況，而且今次造型都好突破，遲啲我會喺微博post多啲拍攝片段，MV亦會率先於網上首播。」
