係香港要接觸賽車理論好難，因為香港無賽車場，自然無市場。真係想接觸既好多都要返內地，但係動輒都要花費一萬幾千，今次車人分享一些鮮爲人知的賽車理論令日常揸車揸到悶既你會有一番新體會。唔講你唔知，最重要就係你坐個張櫈。唔係問你用乜野皮、有幾多個記憶位置功能，亦都唔係問你坐得有幾舒服！而係佢岩唔岩你身型，同你既坐姿正唔正確！
香港罕見既專業揸彎路狂例子，通常幾個彎後，迫力燈都睇唔到！
賽車是一項專業運動，所以正確賽車桶櫈/專業坐姿並唔係以舒適為主，它們着重於功能。例如賽車桶櫈，小型賽車的 Fibre-Glass 櫈，到 F1 的度身訂做碳纖駕駛室。他們有同一個目的：就是要把你抱得透不過氣，令車手與坐椅之間毫無空隙。只有這樣車手才能完全感覺到汽車的動態，不論加速/減速以及過灣，車手亦不需要用力把自己固定在座椅。因為物理學上出現的離心力（Reaction Force）會大大影響車手集中力。舉例車子轉左時，身體會向右傾，如果坐椅/坐姿不合適，車手便要分心同架車既離心力鬥力，大大影響軑盤及油門控制。
座椅位置
車人唔係要你地全部換曬桶櫈！我係想你地重新調教你坐緊個張櫈，把椅背調直，坐直一點。正確的手握軑盤距離，盡量增加你身體和櫈的接觸面產生最大摩擦力令身體在駕駛是不會左搖右擺。
手的位置
當你坐好後，把手完全伸直。手腕關節位置是在軑盤頂如。因為這樣你的手握軑盤時會輕微屈曲，當你轉一些急灣扭大軑時能有更足夠既空間，手先能夠轉更多。這位置目的係能夠防止你的手臂在過灣時過份伸展。因為長期過份伸展過灣會令手臂快速疲倦，這樣會令車手失去扭軑速度以及感受軑盤震動的靈敏度。
睇完上文，忘記你以往懶散的坐姿，試試以上所提及的，再留意一下過彎的公里數上升了多小吧。
文：瘋見車人
以上內容只反映嘉賓之個人意見，與本網站立場無關。
