產品置入廣告 (Product Placement) 形式的廣告，香港電視都興左十年八載。成日見到 TVB 電視劇入面，一個二個演員都唔知點解咁齊心都係渣「L」牌汽車為例，咁就唔駛問阿貴，一定係 Product Placed 啦。呢種有償的潛移默化式既軟性廣告，都有其一定用途的，儘管不是構成促銷性質的廣告，但絕不能視為倒錢落海。
當然，點玩 Product Placement 先至係高手？好似「L 車」咁玩只係最低消費，高明些少既，可以試下「無間潛行置入」！例如劇本設計時，總係安排靚仔靚女永遠渣某牌車，飛仔壞人永遠渣某競爭對手的車，一於係銀幕上將品牌定性。
如果要數再高明，就要首推利比亞內戰，連續幾多月係國際新聞，睇住「T 恤雜牌軍」點樣渣住部「T 牌」私家車同農夫車，係沙漠馳騁，裝哂機槍同政府軍周旋，仲唔係話俾全世界知「TOYOTA Never Die」強烈訊息？結果「T 恤軍」仲要渣住豐田戰車砌底有飛機大炮坦克車既獨裁狂人，真係乜彩都攞哂！Product Placement 做到咁就真係一絕啦！
盧蘇
