最近熱爆全城既 Amina 唔係甚麼美女靚模，而係一宗醉駕襲警案的主角，大家相信都耳有所聞。Amina 因為身為終審法院常任法官包致金侄女，竟令一宗醉駕事件竟然可以在社會上激起軒然大波，有數百名市民響應 Facebook 網上呼籲上街遊行，高呼「捍衞公平審訊」口號。仲有口痕友話：「官姪女都可以咁惡死，親生女咪唔得了？」
既然咁大件事，盧蘇都要去親自睇下，仲同搞手盧生傾了幾句。其實盧生都係一名普通市民，今次純粹因為忍無可忍，先至走出來。仲話今次行動並非針對 Amina 單一事件，事關早前已有多宗類似判刑，令人質疑法律制度有權貴傾斜之嫌。兼且醉駕及襲警都是嚴重罪行，對於已有同類案底的積犯，有關裁決實在有不合理之處。
大家都知道盧蘇常常在專欄呼籲打擊醉駕，我都希望法庭的判決要力求公正，才能警惕全港市民依法守己。司法當局切勿讓人誤以為法庭俾權貴玩哂，有錢人唔駛守法律，否則就會影響打擊醉駕及嚴重罪行的成果。
盧蘇
