盧蘇同幾個行家老友幾乎晚晚睇世界盃，快活不知時日過，初賽都就快打哂。唔知道是否在世界盃期間氣氛特別好，車廠都趁時候放多些好消息，就好似 Audi 全球銷量上升達 21.7%，中國包括香港銷售更上升 65%；Toyota 新 Wish 未出街已經接到好幾百張訂單，都唔係小野，看來車市的復甦速度開始加速。
盧蘇當然希望好消息陸續有來，車界人人有工開。事關百物騰貴，油費保險泊車樣樣都係錢，仲愈來愈貴。面對通脹壓力，加上經濟復甦有望，又係時候考慮買個車位自用兼保值。一來多新車出街會刺激對優質車位的需求，二來入場費較真正買樓低，自用收租兩相宜，回報率並不比一般物業低，看來過幾晚盧蘇要改搵地產經紀朋友睇波去了！
盧蘇
