新手上路有時或者會疑惑究竟幾時用 P 波或 N 波呢？其實 P 波是 Parking 泊車的意思，N 波則是 Neutral 空波的意思。P 波簡單易明，就是停車熄匙後車輛在靜止時先會用到，配合煞車手制以避免車輛溜前或溜後，當然如果地形太斜的話，最好就記得扭左軚或扭右軚，防止發生滑溜時直接向前衝。N 波就可以視為 R 波（後波）及 D 波（駕駛波）的緩衝位，例如當你需要向前行又要向後行，不斷要 R 波同 D 波來回轉波時，N 波就可以作緩衝之用，令波箱無咁傷；仲有，當車輛有故障需要拖車時，都是入 N 波拖車；不過，最主要的用途是當等候較長時間的紅綠燈或塞車時，就可以入 N 波及拉煞車手制等待，唔洗一直踩住煞車腳制，可以俾隻腳休息下，當綠燈或可以向前進時，再鬆手制及入 D 波行駛。
文：Issac.C
