呢期股市熾熱，今年一開波就強勢連升 14 天，睇黎全民皆股的日子不遠了，連車壇都有傳聞指 Aston Martin 有意學 Ferrari 在美國上市。Ferrari 在於 2015 年 10 月 21 日以「RACE」為掛牌代碼在美國紐約證券交易所上市，現在股價已經成功倍升，資產翻一翻之餘，又可以提高品牌價值和多一個渠道獲得資金，見到 Ferrari 如此成功，好難怪有傳聞指 Aston Martin 都想搞上市。其實 Aston Martin 動作多多，在 2016 年日內瓦車展推出的 DB11 大受好評，而品牌 2017 年銷量更突破 5,000 輛，未來在 2019 年又會推出品牌首款純電車 RapidE 和首款 SUV DBX，仲有特登高薪從 McLaren 挖角首席試車手 Chris Goodwin 為 2021 年推出的中置引擎入門超跑進行測試。咁多大動作，Aston Martin 未來幾年需要龐大資金應付研發和生產，再加上對未來發展有信心，所以搞上市無疑是一步好棋。不過 Aston Martin 就對傳聞沒有正式回應，車迷目前只能靜候佳音吧。
文：Issac.C
