講緊嘅係早前 Shell 超凡喜力機油「夢想 Drive On 之旅」嘅參加者。5 位香港區參加者喺 11 月尾遠赴全球跑車迷夢想之都 – 意大利 Maranello 法拉利總部，喺獨一無二嘅傳奇賽道之上，擁抱超級跑車嘅極速快感。
3 日 2 夜嘅旅程有唔少亮點，但重點曬命位一定係揸住 488 GTB 喺法拉利私人賽道 Fiorano Circuit 度奔馳，呢條夢想賽道為法拉利開發咗無數架傳奇跑車，亦係速度、機密、榮耀嘅代名詞。試諗下，你同舒密加、拉高倫、同埋維泰爾呢啲世界冠軍級車手跑緊同一個圈，點會唔興奮，點會唔 High 先？
教練仲會 1 對 1 同佢地睇返車 Cam，透過資料數據進行分析，希望用最短時間改善技術。雖然未必做到「拖一個波、畀啖油，瀟灑又過一彎」嘅境界，但係所有參加者都非常滿意，完全唔捨得走！
當你以為係時候講拜拜，One More Thing，大會仲安排咗一個特大驚喜，就係 812 Superfast！你無睇錯，係 812 Superfast！真係 812 Superfast！呢部法拉利史上最強勁嘅量產跑車，11 月頭先喺香港首展，唔夠幾日，呢班「夢想之旅」嘅車手已經可以率先喺 Fiorano 賽道上獨家試揸呢架 6.5 公升 V12，800 匹馬力，0-100km/h 只需 2.9 秒嘅法拉利夢想之車！大會見到其他非駕駛參加者睇到流曬口水，於是極力爭取每人一次極速試坐體驗，等佢地都感受下咩叫「駕駛真諦」！
除咗 Fiorano 賽道呢道主菜，其他行程亦都非常有睇頭，例如參觀法拉利 Marenello 車廠、博物館，逐步去睇下每一個製作過程，點樣為車主度身訂造，睇下手工有幾咁細緻，仲可以認識一下法拉利唯一認可使用嘅機油—— Shell Helix Ultra 超凡喜力對超級跑車嘅影響力，以 PurePlus 技術將天然氣轉化而成，幾乎不含任何原油常見雜質，加上獨家專利活性清潔技術，為超跑發揮更高層次嘅引擎性能，喺賽場上屢創佳績。
最後不得不提一下整個 Trip 嘅最後一晚，大會安排咗大家去法拉利博物館入面嘅 Sala Delle Vittorie 餐廳，置身喺芸芸法拉利 F1 冠軍賽車之中享用晚宴，為呢次尋找駕駛真諦之旅完美作結。
尋找駕駛真諦．法拉利 Fiorano Circuit 夢想之旅圖片集
