大家最近有看報章的話，可能都會看過一段「寶馬靠害釀車禍網上熱播」短片，過程驚險萬分。雖然報章大字標題話部寶馬靠害，但睇真D部福士一樣係衰，車前面兩線都有車，隔離空位亦唔多，又何必冒險切線爬頭呢？紅色福士打指揮燈唔代表可以奉旨 cut 線！意外中幸好無人傷亡，不過無論如何，危險駕駛定要予以譴責及取締。
影片來源：Youtube @ waialvin
盧某都撞過車，深明車禍之害。如果今次不是剛巧有人用video拍低過程，恐怕都不會如此哄動。假如全港車輛或主要道路都安裝了視像錄影，睇下邊個司機仲敢亂來。
事實上香港每天都有大量交通意外，難道一句運滯黑仔就可以解釋一切車禍嗎？別說有錄影監察，安全駕駛根本就是司機的最起碼要求！就上例說，只要部福士唔係趕住投胎，又或者部寶馬高抬貴腳 brake 一下，相信港聞版已經少一單料。
盧蘇
註：以上內容純屬嘉賓個人意見, 與本網立場無關。
